എട്ട് കോച്ചുകളുള്ള വന്ദേ ഭാരത് റേക്കാണ് എറണാകുളം - ബെംഗളൂരു റൂട്ടിൽ സർവീസ് നടത്തുക. എറണാകുളം - ബെംഗളൂരു റൂട്ടിൽ ജൂലൈ 31 മുതൽ ഓഗസ്റ്റ് 25 വരെയാണ് ട്രെയിൻ സർവീസ് നടത്തുക. ബുധൻ, വെള്ളി, ഞായർ ദിവസങ്ങളിലാണ് സർവീസ്. ഈ ദിവസങ്ങളിൽ എറണാകുളം സൗത്ത് സ്റ്റേഷനിൽനിന്ന് ഉച്ചയ്ക്ക് 12:50ന് പുറപ്പെടുന്ന ട്രെയിൻ രാത്രി 10 മണിക്ക് ബെംഗളൂരു കൻ്റോൺമെൻ്റ് റെയിൽവേ സ്റ്റേഷനിൽ എത്തിച്ചേരും.
അതേസമയം ബെംഗളൂരു - എറണാകുളം റൂട്ടിൽ ഓഗസ്റ്റ് ഒന്നുമുതൽ 26 വരെയാണ് ട്രെയിൻ സർവീസ് നടത്തുക. വ്യാഴം, ശനി, തിങ്കൾ ദിവസങ്ങളിലാണ് സർവീസ്. ഈ ദിവസങ്ങളിൽ ബെംഗളൂരു കൻ്റോൺമെൻ്റ് റെയിൽവേ സ്റ്റേഷനിൽനിന്ന് പുലർച്ചെ 5:30ന് പുറപ്പെടുന്ന ട്രെയിൻ ഉച്ചയ്ക്ക് 2:20ന് എറണാകുളം സൗത്ത് സ്റ്റേഷനിൽ എത്തിച്ചേരും. തൃശൂർ, ഷൊർണൂർ, പാലക്കാട് ജങ്ഷൻ, പോഡനൂർ, തിരുപ്പൂർ, ഈറോഡ്, സേലം, ജോളാർപേട്ട് എന്നീ സ്റ്റേഷനുകളിലാണ് ട്രെയിനിന് സ്റ്റോപ്പുള്ളത്.
0 Comments