ഞായറാഴ്ച വൈകിട്ട് 6.30-ഓടെയാണ് സംഭവം. മരംമുറിക്കാൻ ഉപയോഗിക്കുന്ന കട്ടർ ഉപയോഗിച്ച് അസീബിന്റെ മാതാവിനെ ആക്രമിക്കാൻ ശ്രമിച്ചെന്ന പരാതിയെ തുടർന്നാണ് ഇയാളെ സ്റ്റേഷനിലേക്ക് വിളിപ്പിച്ചത്. വെട്ടുകത്തിയുമായി സ്റ്റേഷനിൽ എത്തിയ ഉടനെ പോലീസുകാരെ അസഭ്യം പറയുകയും വെല്ലുവിളിക്കുകയും ചെയ്ത് മുൻവശത്തെ രണ്ട് ജനൽച്ചില്ലുകൾ അടിച്ച് തകർക്കുകയായിരുന്നു.
ബഹളം കേട്ട് അകത്തുനിന്ന് ഓടിയെത്തിയ പോലീസുകാർ പ്രതിയെ കീഴടക്കാൻ ശ്രമിക്കുന്നതിനിടെയാണ് മർദനമേറ്റത്. തുടർന്ന് പോലീസ് വെട്ടുകത്തി പിടിച്ചുവാങ്ങിയതോടെ നിലത്ത് കിടന്നും പോലീസിനെ ഭീഷണിപ്പെടുത്തിയും ബഹളംവെച്ചു. പ്രതി ലഹരിക്ക് അടിമയാണെന്ന് പോലീസ് പറഞ്ഞു. പോലീസിന്റെ കൃത്യനിർവഹണം തടസ്സപ്പെടുത്തിയതിന് അസീബിനെതിരേ കേസെടുത്തു.
0 Comments