കണ്ണൂർ: യൂട്യൂബര് തൊപ്പി എന്ന മുഹമ്മദ് നിഹാദിനെതിരെ കേസ്. മലപ്പുറം വളാഞ്ചേരിയിലെ പരിപാടിയുമായി ബന്ധപ്പെട്ടാണ് മുഹമ്മദ് നിഹാദിനെതിരെ കേസ് എടുത്തിരിക്കുന്നത്.
വസ്ത്ര വ്യാപാര ശാലയുടെ ഉദ്ഘാടന പരിപാടിക്കിടെ അശ്ലീല പദങ്ങള് ഉപയോഗിച്ചതിനാണ് കേസ്. കൂടാതെ ഗതാഗതം തടസ്സപ്പെടുത്തിയതിനും യുവാവിനെതിരെ കേസെടുത്തു. വസ്ത്ര വ്യാപാരശാല ഉടമയും കേസില് പ്രതിയാണ്. കണ്ണൂര് മാങ്ങാട് സ്വദേശിയായ തൊപ്പിയുടെ യുട്യൂബ് ചാനലിനും തൊപ്പിക്കും കുട്ടികള് ആണ് ഏറെ ആരാധകര്. ഗെയിമിങ് പ്ലാറ്റ്ഫോമിലൂടെയാണ് തൊപ്പി കുട്ടികള്ക്കിടയില് ശ്രദ്ധിക്കപ്പെട്ടത്.
18 വയസിന് താഴെയുള്ള നിരവധി കുട്ടികളാണ് ഇയാളുടെ വീഡിയോ സ്ഥിരമായി കാണുന്നത്. എന്നാല് സഭ്യതയില്ലാതെയാണ് വീഡിയോയില് കാര്യങ്ങള് അവതരിപ്പിക്കുന്നത് എന്ന തരത്തില് സോഷ്യല് മീഡിയയില് അടക്കം രൂക്ഷ വിമര്ശനമാണ് ഉയരുന്നത്.
0 Comments