ബ്രിക്സ് കമ്പനിയിൽ തീപിടുത്തം

പെരിങ്ങോം. ബ്രിക്സ് കമ്പനിയിൽ തീപിടുത്തം. കുപ്പോളിലെ രാജ് ബ്രിക്സിലാണ് തീപിടുത്തമുണ്ടായത്.ഇന്നലെ ഉച്ചക്ക് 2.15 ഓടെയാണ് സംഭവം. അറക്ക പൊടി കൊണ്ട് ബ്രിക്സ് ഉണ്ടാകുന്ന കമ്പനിയിലാണ് തീപിടുത്തമുണ്ടായത്. പെരിങ്ങോത്തെ വിജയരാജൻ്റെ ഉടമസ്ഥതയിലുള്ളതാണ് സ്ഥാപനം.തീപിടുത്തത്തെ തുടർന്ന് പെരിങ്ങോം ഫയർസ്റ്റേഷനിൽ വിവരമറിയിക്കുകയായിരുന്നു. സ്റ്റേഷൻ ഓഫീസർ പി വി അശോകൻ്റെ നേതൃത്വത്തിലെത്തിയ സംഘമാണ് തീയണച്ചത്.മരക്കട്ടകളും സാധന സാമഗ്രികളും മറ്റും കത്തിനശിച്ച് നാശനഷ്ടം സംഭവിച്ചു.