തിരുവനന്തപുരം: എല്ഡിഎഫ് കൺവീനർ സ്ഥാനത്ത് നിന്ന് ഇപി ജയരാജനെ നീക്കി. ടി പി രാമകൃഷ്ണനാണ് പകരം ചുമതല നല്കിയിരിക്കുന്നത്. നടപടിയില് പ്രതിഷേധിച്ച് സംസ്ഥാന സമിതിയില് പങ്കെടുക്കാതെ ഇപി കണ്ണൂരിലേക്ക് പോയി.
എല്ഡിഎഫ് കണ്വീനര് സ്ഥാനത്ത് നിന്നും നീക്കിയതില് പ്രതികരിക്കാതെ മുതിർന്ന നേതാവ് ഇ പി ജയരാജൻ. ‘ഇപ്പോൾ ഒന്നും പ്രതികരിക്കാനില്ല എന്നും സമയമാകുമ്പോൾ പറയാമെന്നുമുള്ള പ്രതികരണമാണ്’ നടത്തിയത്. വിമാനത്താവളത്തിൽ നിന്നും കണ്ണൂരിലെ വീട്ടിൽ ഇ പി ജയരാജൻ എത്തി.
ബിജെപി നേതാക്കളുമായുള്ള കൂടിക്കാഴ്ച്ച വിവാദത്തിലാണ് ഇപി ജയരാജനെ സ്ഥാനത്ത് നിന്നും നീക്കിയത്. ഇന്നത്തെ സിപിഐഎം സംസ്ഥാന സമിതി യോഗത്തില് ഇ പി പങ്കെടുക്കാൻ എത്തിയിരുന്നില്ല. എകെജി സെന്ററിൽ നടക്കുന്ന സംസ്ഥാന സമിതിയില് പങ്കെടുക്കാനെത്തിയ നേതാക്കളും വിഷയത്തിൽ പ്രതികരിക്കാൻ തയ്യാറായില്ല.
0 Comments