ക്ഷേത്ര കഴകപുര കുത്തിതുറന്ന് കവർച്ച; പ്രതി പിടിയിൽ

വളപട്ടണം: ക്ഷേത്ര കഴകപുര കുത്തിതുറന്ന് 35 ഓളം വിളക്കുകളും ചെമ്പു പാത്രവും കടത്തികൊണ്ടു പോയ മോഷ്ടാവ് പിടിയിൽ. തമിഴ്നാട് തിരുനൽവേലി ശങ്കരം കോവിൽ പനോടിനടത്തെരു സ്വദേശിയും കാട്ടാമ്പള്ളിയിലെ വാടക ക്വാട്ടേർസിൽ താമസക്കാരനുമായ കെ.മുരുകനെ (46)യാണ് വളപട്ടണം എസ്.ഐ. ടി.എം. വിപിനും സംഘവും പിടികൂടിയത്.

കഴിഞ്ഞ ദിവസം
ചിറക്കൽ ആർപ്പംതോട് പുറമേരിവളപ്പിൽ ഭഗവതി ക്ഷേത്ര കഴകപുരയായ വീട് കുത്തി തുറന്നാണ് പ്രതി മോഷണം നടത്തിയത് . പുതിയ തെരുവിലെ പി.കെ.വേണുഗോപാലിൻ്റെ പരാതിയിൽ വളപട്ടണം പോലീസ് കേസെടുത്ത് അന്വേഷണം നടക്കുന്നതിനിടെയാണ് മോഷ്ടാവ് പിടിയിലായത്.