മയ്യിൽ എൻ ആർ ഐ യുടെ ആഭിമുഖ്യത്തിൽ വാർഷിക ജനറൽ ബോഡിയും ഓണാഘോഷവും നടന്നു

ദുബായ് : മയ്യിൽ എൻ ആർ ഐ യുടെ ആഭിമുഖ്യത്തിൽ വാർഷിക ജനറൽ ബോഡിയും ഓണാഘോഷവും സംയുക്തമായി അൽ ഖുസൈസ് അൽ ബുസ്താൻ സെന്ററിൽ വച്ച് 20.10.2024 ഞായറാഴ്ച നടന്നു. പ്രസിഡന്റ് അയൂബ് അധ്യക്ഷത വഹിച്ച ചടങ്ങിൽ പ്രോഗ്രാം കമ്മിറ്റി ചെയർമാൻ മനോജ്‌ പി വി സ്വാഗതം ആശംസിച്ചു. ചലച്ചിത്ര താരം ആശ മഠത്തിൽ മുഖ്യാഥിതി ആയിരുന്നു.കഴിഞ്ഞ ഒരു വർഷത്തെ പ്രവർത്തന റിപ്പോർട്ട്‌ ജനറൽ സെക്രട്ടറി പ്രശാന്ത്, ട്രെഷറർ ജഗദീഷ്, വൈസ് പ്രസിഡന്റ് നിമിൽ എന്നിവർ അവതരിപ്പിക്കുകയുണ്ടായി.

ബിന്ദു വിജയൻ (പ്രസിഡന്റ്), ശുഭ വേണു( വൈസ് പ്രസിഡന്റ്‌), പ്രിയ പ്രശാന്ത് (ജനറൽ സെക്രട്ടറി), ജയ വിനോദ് (ജോയിന്റ് സെക്രട്ടറി), ഷിംന മനോജ്‌ (ട്രഷറർ) ആയും അടുത്ത ഒരു വർഷത്തേക്കുള്ള എക്സിക്യൂട്ടീവ് പാനൽ തെരഞ്ഞെടുത്തു. വിനോദ് ഒ വി പ്രോഗ്രാം കൺവീനർ ആയിരുന്നു. മാവേലിയും പുലിക്കളിയും, പൂക്കളവും ശിങ്കാരിമേളവും തുടങ്ങി ഒരുപാട് വ്യത്യസ്തമായ കലാപരിപാടികളോടെ നടന്ന ഈ പരിപാടിയിൽ ജോയിന്റ് സെക്രട്ടറി ധനേഷ് നന്ദി രേഖപ്പെടുത്തി.