സാമൂഹ്യ സുരക്ഷ, ക്ഷേമനിധി പെന്‍ഷന്‍ ഒരു ഗഡു അനുവദിച്ചു, ബുധനാഴ്ച മുതല്‍ ലഭ്യമാകും

സാമൂഹ്യ സുരക്ഷ, ക്ഷേമനിധി പെന്‍ഷന്‍ ഗുണഭോക്താക്കള്‍ക്ക് സര്‍ക്കാര്‍ ഒരു ഗഡു പെന്‍ഷന്‍ അനുവദിച്ചു.

62 ലക്ഷത്തോളം പേര്‍ക്ക് 1,600 രൂപ വീതം ലഭിക്കും.

ബുധനാഴ്ച മുതല്‍ തുക വിതരണം ചെയ്തു തുടങ്ങും. 26.62 ലക്ഷം പേരുടെ ബാങ്ക് അക്കൗണ്ടില്‍ തുക എത്തും.

മറ്റുള്ളവര്‍ക്ക് സഹകരണ ബാങ്കുകള്‍ വഴി വീട്ടിലെത്തി പെന്‍ഷന്‍ കൈമാറും. കഴിഞ്ഞ മാര്‍ച്ച്‌ മുതല്‍ പ്രതിമാസ പെന്‍ഷന്‍ വിതരണം ഉറപ്പാക്കിയിട്ടുണ്ടെന്ന് മന്ത്രി കെ എന്‍ ബാലഗോപാല്‍ അറിയിച്ചു.