ഒരു സിമ്മില്‍ അര മണിക്കൂർ വീതം സൗജന്യമായി വൈഫൈ ഉപയോഗിക്കാനാണ് സൗകര്യമൊരുക്കിയത്. പദ്ധതിയുടെ ഉദ്ഘാടനം പമ്ബയില്‍ നടന്ന ചടങ്ങില്‍ ദേവസ്വം വകുപ്പ് മന്ത്രി വി എൻ വാസവൻ നിർവഹിച്ചു. ദേവസ്വം ബോർഡ് പ്രസിഡന്റ് പി എസ്.പ്രശാന്ത്, ബിഎസ്‌എൻഎല്‍ ഡെപ്യൂട്ടി ജനറല്‍ മാനേജർ കെ ജ്യോതിഷ്‌കുമാർ, ജെ ടി ഒ അഭിലാഷ് എന്നിവർ പങ്കെടുത്തു.
നിലയ്ക്കല്‍ മുതല്‍ സന്നിധാനം വരെ 48 ഇടങ്ങളില്‍ വൈ-ഫൈ ഹോട്ട് സ്‌പോട്ടുകള്‍ സ്ഥാപിച്ചതായി ബി എസ് എൻ എല്‍ ശബരിമല ഓഫീസ് ഇൻ ചാർജ് എസ്. സുരേഷ് കുമാർ പറഞ്ഞു. തിരുവിതാംകൂർ ദേവസ്വം ബോർഡുമായി സഹകരിച്ചാണ് ബിഎസ്‌എൻഎല്‍ നെറ്റ്‌വർക്ക് വിപുലമായി ഒരുക്കിയിരിക്കുന്നത്. ഇതിന് പുറമെ ശബരിമല പാതയില്‍ 4ജി ടവറുകളും ബിഎസ്‌എൻഎല്‍ ഒരുക്കിയിട്ടുണ്ട്.അതിവേഗ ഇൻറർനെറ്റ് കണക്ഷൻ വഴി ശബരിമലയിലെ വിവിധ സർക്കാർ വകുപ്പുകളെയും സേവനങ്ങളെയും കൂടുതല്‍ ഏകോപിപ്പിക്കാനും കഴിയും.
ബിഎസ്‌എൻഎല്‍ വൈ-ഫൈ എങ്ങനെ സെറ്റ് ചെയ്യാം?
ബിഎസ്‌എൻഎല്ലിന്റെ വൈ-ഫൈ സേവനം ലഭിക്കാൻ ഫോണിലെ വൈ-ഫൈ ഓപ്ഷൻ ആദ്യം ഓണാക്കുക. ഇതിന് ശേഷം സ്‌ക്രീനില്‍ കാണിക്കുന്ന ബിഎസ്‌എൻഎല്‍ വൈ-ഫൈ (BSNL WiFi) അല്ലെങ്കില്‍ ബി എസ് എൻ എല്‍ പി എം വാണി(bsnlpmwani) എന്ന നെറ്റ്‌വർക്ക് ഓപ്ഷൻ സെലക്‌ട് ചെയ്യുക.കണക്‌ട് ചെയ്യുമ്ബോള്‍ തുറന്നുവരുന്ന വെബ്പേജില്‍ പത്ത് അക്ക മൊബൈല്‍ നമ്ബർ ടൈപ്പ് ചെയ്ത് Get PIN ക്ലിക്ക് ചെയ്യുക. ഫോണില്‍ എസ്‌എംഎസ് ആയി ലഭിക്കുന്ന ആറക്ക പിൻ നമ്ബർ എന്റർ ചെയ്താല്‍ ഉടനടി ബിഎസ്‌എൻഎല്‍ വൈ-ഫൈ ലഭിക്കും.
300 എംബിപിഎസ് വരെ വേഗം ലഭിക്കുന്ന ഒപ്റ്റിക്കല്‍ ഫൈബർ കണക്റ്റിവിറ്റിയാണ് ശബരിമലയിലും പമ്ബയിലും നിലയ്ക്കലിലും വിന്യസിച്ചിരിക്കുന്നത്.
ബി.എസ്.എൻ.എല്‍. അടുത്തിടെ തുടങ്ങിയ എഫ്.ടി.ടി.എച്ച്‌. റോമിംഗ് സൗകര്യത്തില്‍ വീട്ടിലെ കണക്ഷൻ ഉപയോഗിച്ച്‌ ഇന്റർനെറ്റ് ഉപയോഗിക്കാനും കഴിയും.
അതേസമയം, ഇന്നു ഉച്ചമുതല്‍ സന്നിധാനത്തേക്ക് ഭക്തർക്ക് പ്രവേശനം അനുവദിച്ചുതുടങ്ങി. ഇന്നുവൈകുന്നേരം നാലുമണിക്കാണ് നടതുറക്കുന്നത്.
0 Comments