കരസേനയിൽ ചേരാം

ഇന്ത്യൻ കരസേനയിൽ ഷോർട്ട്‌ സർവീസ്‌ കമീഷൻഡ്‌ ഓഫീസർ തസ്‌തികയിലേക്ക്‌ അപേക്ഷിക്കാം. ചെന്നൈയിലെ ഓഫീസേഴ്‌സ്‌ ട്രെയിനിങ്‌ അക്കാദമിയിൽ ഒക്‌ടോബറിലാണ്‌ ഷോർട്ട്‌ സർവീസ്‌ കമീഷൻ ടെക്‌നിക്കൽ എൻട്രി കോഴ്‌സ്‌ ആരംഭിക്കുക. ഫെബ്രുവരി ഒമ്പതുവരെ അപേക്ഷ നൽകാം. എൻജിനിയറിങ്‌ ബിരുദമാണ്‌ യോഗ്യത. പ്രായം: 20–-27. പുരുഷന്മാർക്കും സ്‌ത്രീകൾക്കും അവസരം. എൻസിസി സ്‌പെഷ്യൽ എൻട്രി(നോൺ ടെക്‌നിക്കൽ) സ്‌കീമിലേക്ക്‌ ജനുവരി 17 മുതൽ ഫെബ്രുവരി 15 വരെയും ജഡ്‌ജ്‌, അഡ്വക്കേറ്റ്‌ ജനറൽ ബ്രാഞ്ചിലേക്ക്‌ ജനുവരി 18 മുതൽ ഫെബ്രുവരി 16 വരെയും അപേക്ഷിക്കാം. വിശദ വിവരങ്ങൾക്ക്‌ www.joinindianarmy.nic.in കാണുക.