ടാബ്ലോയുടെ ഗ്രൗണ്ട് എലമെന്‍റായിട്ടാണ് മേളം അവതരിപ്പിക്കുക. കണ്ണൂര്‍ കേന്ദ്രമാക്കി പ്രവര്‍ത്തിക്കുന്ന സപ്തവര്‍ണ ശിങ്കാരിമേള സംഘത്തിലെ സിന്ധു ബാലകൃഷ്ണന്‍, ജോഷിന അശോകന്‍, രമിത രതീഷ്, ശൈലജ രാജന്‍, ബാലജ പ്രമോദ്, രജനി സോമന്‍, ലസിത വരദന്‍, സജിത അരവിന്ദ്, വിജിന രാജീവന്‍, വനജ ബാലന്‍, ലീല ചന്ദ്രന്‍, ഓമന പ്രദീപന്‍ എന്നിവര്‍ രാജ്യതലസ്ഥാനത്തെത്തി പരിശീലനം ആരംഭിച്ചു കഴിഞ്ഞു.
കേരളത്തിലുടനീളവും രാജ്യത്തിന്‍റെ വിവിധ ഭാഗങ്ങളിലും ഇവര്‍ ശിങ്കാരിമേളം അവതരിപ്പിച്ചിട്ടുണ്ടെങ്കിലും രാജ്യതലസ്ഥാനത്ത് ആദ്യമാണ്. നാരീശക്തിയും സ്ത്രീ ശാക്തീകരണത്തിന്‍റെ നാടോടി പാരമ്പര്യവും കേന്ദ്ര പ്രമേയമാക്കി കേരളം ഒരുക്കുന്ന ടാബ്ലോയുടെ അവസാനഘട്ട പ്രവര്‍ത്തനങ്ങള്‍ രാഷ്ട്രീയ രംഗശാലയില്‍ പുരോഗമിക്കുന്നു.
0 Comments