വീട് കുത്തിതുറന്ന് 12 പവൻ കവർന്നു

മട്ടന്നൂർ: പൂട്ടിയിട്ട വീട് കുത്തിതുറന്ന് 12 പവൻ്റെ ആഭരണങ്ങൾ കവർന്നു. ചാവശേരി കാശി മുക്കിലെ കെ പി ജംഷീറിൻ്റെ പരാതിയിൽ പോലീസ് കേസെടുത്തു. വീടു പൂട്ടി പോയ കുടുംബം കഴിഞ്ഞ ദിവസം നാട്ടിലെത്തിയപ്പോഴാണ് കവർച്ച നടന്നത് കണ്ടത്. പരാതിക്കാരൻ്റെ ഭാര്യ സഹോദരിയും കുടുംബവും താമസിക്കുന്ന വീടിൻ്റെ വാതിൽ കുത്തിതുറന്ന മോഷ്ടാവ് അകത്ത് കയറി മുറിയിലെ അലമാരയിൽ സൂക്ഷിച്ച 12 പവനോളം വരുന്ന ആഭരണങ്ങളാണ് കവർന്നത്. തുടർന്ന് പോലീസിൽ പരാതി നൽകി . കേസെടുത്ത പോലീസ് അന്വേഷണം തുടങ്ങി.