വിമാനത്തിൽ മദ്യപിച്ച് ശല്യമുണ്ടാക്കിയ രണ്ടുപേർ അറസ്റ്റിൽ

മട്ടന്നൂർ: വിമാനത്തിൽ മദ്യപിച്ച് ബഹളം ഉണ്ടാക്കുകയും കാബിൻ ക്രൂവിനെയും മറ്റു യാത്രക്കാരെയും ശല്യം ചെയ്യുകയും ചെയ്ത രണ്ട് യാത്രക്കാരെ മട്ടന്നൂർ എയർപോർട്ട് പോലീസ് അറസ്റ്റ് ചെയ്തു.

വടകര സ്വദേശികളായ വിളക്കാട്ട് മീത്തൽ മുഹമ്മദ് (36), നാസർ വണ്ണാന്റെ തുടിയിൽ (49) എന്നിവരാണ് അറസ്റ്റിലായത്. തിങ്കളാഴ്ച ഉച്ചക്ക് 2.40ന് ദോഹയിൽ നിന്ന് കണ്ണൂരിൽ എത്തിയ ഇൻഡിഗോ വിമാനത്തിലാണ് സംഭവം.

ഇൻഡിഗോ അസി. സെക്യൂരിറ്റി മാനേജർ നൽകിയ പരാതി പ്രകാരമാണ് വിമാനം കണ്ണൂരിൽ ലാൻഡ് ചെയ്ത ഉടൻ ഇവരെ കസ്റ്റഡിയിൽ എടുത്തത്. പിന്നീട് ഇവരെ നോട്ടീസ് നൽകി വിട്ടയച്ചു.