അപകടത്തില്‍ നാല് പേർക്ക് പരിക്കേറ്റു. അപ്രതീക്ഷിതമായി അഗ്നിബാധ സംഭവിച്ചാല്‍ തീയണയ്‌ക്കാൻ നിർമിച്ച വാട്ടർ ടാങ്കാണ് തകർന്ന് വീണത്. പരിക്കേറ്റവരെ മട്ടന്നൂരിലെയും കണ്ണൂരിലെയും ആശുപത്രിയിലേക്ക് മാറ്റി. നാല് പേരുടെയും പരിക്ക് ഗുരുതരമല്ല.
നായാട്ടുപാറ കുന്നോത്ത് സ്വദേശികളായ വിജില്‍, സുനിത്ത്, കൂത്തുപറമ്ബ് സ്വദേശികളായ ശരത്ത്, സുബിഷ എന്നിവർക്കാണ് പരിക്കേറ്റത്. ദുല്‍ഖർ സല്‍മാൻ നായകനായ 'ലക്കി ഭാസ്കർ' എന്ന ചിത്രത്തിന്റെ ഷോ നടക്കുന്നതിനിടെയായിരുന്നു അപകടം. സ്ലാബ് ദേഹത്ത് വീണാണ് കാണികള്‍ക്ക് പരിക്കേറ്റത്. വാട്ടർ ടാങ്ക് തകർന്നതിനാല്‍ കെട്ടിടാവശിഷ്ടങ്ങള്‍ക്കൊപ്പം വെള്ളവും തിയറ്ററിനകത്തേക്ക് വീണു. കുറച്ച്‌ പേർ മാത്രമേ ഷോ കാണാൻ എത്തിയിരുന്നുള്ളൂ എന്നതിനാല്‍ വൻ ദുരന്തം ഒഴിവായി.
0 Comments