വാഹനാപകടത്തിൽ യുവാക്കൾ മരിച്ചു

ചേലേരി: മുണ്ടേരിക്കടവ് പാലത്തിന് സമീപം പിക്കപ്പ് വാനിടിച്ച് ബൈക്ക് യാത്രക്കാരായ രണ്ട് യുവാക്കൾ മരിച്ചു.

വാരം കടവ് കാരയാപ്പിലെ സി കെ വിഷ്ണു (22), കയ്യങ്കോട്ടെ അജാസ് (22) എന്നിവരാണ് മരിച്ചത്. ചൊവ്വ വൈകിട്ട് ആറോടെ ചേലേരി മുക്ക് ഭാഗത്തേക്ക് വരികയായിരുന്ന ഇവർ സഞ്ചരിച്ച ബൈക്കിൽ മുണ്ടേരി ഭാഗത്തേക്ക് പോകുകയായിരുന്ന പിക്കപ്പ് വാൻ ഇടിക്കുകയായിരുന്നു.

ഉടൻ തന്നെ കണ്ണൂരിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹങ്ങൾ കണ്ണൂർ എ കെ ജി ആശുപത്രി മോർച്ചറിയിൽ.  കാരയാപ്പിലെ ഡ്രൈവർ സുരേശൻ- ഷീല ദമ്പതികളുടെ മകനാണ് വിഷ്ണു. സഹോദരൻ: അർജുൻ. കണ്ണൂർ ലുലു ഗോൾഡ് ജീവനക്കാരൻ കയ്യങ്കോട് കല്ലുവളപ്പിൽ ഹാരിസ് എം പി നസീമ ദമ്പതികളുടെ മകനാണ് അജാസ്. സഹോദരൻ: അനസ്.