കാർ കത്തി നശിച്ചു; കാർ യാത്രികർ രക്ഷപ്പെട്ടത് തലനാരിഴയ്ക്ക്

മാഹി: ദേശീയ പാതയിൽ അഴിയൂർ അണ്ടിക്കമ്പനിക്ക് സമീപം കാർ കത്തി നശിച്ചു. തിങ്കളാഴ്ച വൈകിട്ട് ഏഴോടെ ആണ് സംഭവം. കാർ യാത്രികരായ മലപ്പുറം സ്വദേശി ഹാരിസും കുടുംബവും രക്ഷപ്പെട്ടത് തലനാരിഴയ്ക്ക്. മലപ്പുറത്തേക്കുള്ള യാത്രക്കിടയിൽ ഹെഡ് ലൈറ്റ് പ്രവർത്തിക്കാത്തതിനെ തുടർന്ന് നടത്തിയ പരിശോധനയിലാണ് കാറിൽ നിന്ന് പുക ഉയരുന്നത് കണ്ടത്.

ഉടൻ വാഹനത്തിൽ ഉണ്ടായിരുന്നവർ പുറത്തേക്ക് ഇറങ്ങി. പിന്നാലെ കാർ കത്തി നശിച്ചു. മാഹി ഫയർ ഫോഴ്സും ചോമ്പാല പൊലീസും സ്ഥലത്തെത്തി തീയണച്ചു.