വല്ലപ്പുഴയിൽ നിന്ന് കാണാതായ പെൺകുട്ടിയെ ഗോവയിൽ കണ്ടെത്തി

വല്ലപ്പുഴയിൽ നിന്നു ഡിസംബർ 30നു രാവിലെ മുതൽ കാണാതായ 15കാരിയെ ഗോവയിൽ നിന്നും കണ്ടെത്തി. മലയാളികളായ വിനോദ സഞ്ചാരികളാണ് കുട്ടിയെ കണ്ടെത്തി പൊലീസിനു കൈമാറിയത്. നിലവിൽ ​ഗോവ പൊലീസിന്റെ കസ്റ്റഡിയിലാണ് പെൺകുട്ടി.

കുട്ടിയുടെ കൂടെ ട്രെയിനിൽ യാത്ര ചെയ്തുവെന്നു സംശയിക്കുന്ന യുവാവിന്റെ രേഖാചിത്രം പൊലീസ് ഇന്ന് പുറത്തു വിട്ടിരുന്നു. വീട്ടിൽ നിന്നും രാവിലെ ട്യൂഷനു പോയ പെൺകുട്ടി കൂട്ടുകാരെ തെറ്റിദ്ധരിപ്പിച്ച് ബന്ധു വീട്ടിലേക്കെന്ന വ്യാജേന വസ്ത്രം മാറി മുഖമടക്കം മറച്ച് ബുർഖ ധരിച്ചാണ് പോയത്. തുടർന്ന് വീട്ടുകാർ നൽകിയ പരാതിയിൽ അന്വേഷണം നടക്കുന്നതിനിടയിലാണ് ഗോവയിൽ നിന്നും കണ്ടെത്തിയത്.