നിർമാണത്തിലുള്ള വീട്ടുകിണറ്റിൽ മാലിന്യം തള്ളി; നിക്ഷേപിച്ചവരെ കുറിച്ചുള്ള സൂചന മാലിന്യങ്ങളിൽ നിന്ന് തന്നെ

 നിർമാണത്തിലുള്ള വീടിന്റെ കിണറ്റിൽ മാലിന്യം തള്ളി. കുട്ടികളുടെ പാഡ് ഉൾപ്പെടെയുള്ളവയാണ് കെട്ടുകളായി തളിപ്പറമ്പ് അള്ളാംകുളം മൈത്രി നഗറിലെ വീട്ടുകിണറിൽ തള്ളിയത്. വിദേശത്ത് ജോലി ചെയ്യുന്ന ചൊറുക്കളയിലെ അഷ്റഫ് എന്നയാളുടെ വീടിന്റെ കിണറിലാണ് കഴിഞ്ഞ ദിവസം മാലിന്യം നിറച്ച സഞ്ചികൾ കണ്ടത്. 

വിവരമറിഞ്ഞ് നഗരസഭ കൗ‍ൺസിലർ എം.കെ.ഷബിത, ജേസീസ് ഭാരവാഹിയായ സുബൈർ സൂപ്പർവിഷൻ എന്നിവരുടെ നേതൃത്വത്തിൽ വിദഗ്ധരായ ആളുകളെ കൊണ്ടുവന്ന് കിണറിലെ മാലിന്യങ്ങൾ പുറത്തെടുത്ത് പരിശോധിച്ചു. ഇവ നിക്ഷേപിച്ചവരെ കുറിച്ചുള്ള സൂചന മാലിന്യങ്ങളിൽ നിന്ന് തന്നെ ലഭിച്ചിട്ടുണ്ട്. പൊലീസിൽ പരാതി നൽകാനാണ് വീട്ടുകാരുടെ തീരുമാനം.